'

  #1  
قديم 08-20-2009, 04:51 AM
life_rounds


life_rounds غير متواجد حالياً
 




egy30 اسباب وعلاج رائحه الفم الكريهه

بسم الله الحمن الرحيم
هنتكلم النهارده يا جماعه على موضوع مهم ومسبب مشاكل لناس كتير واحراج لدرجه انه بيمنعهم من الكلام وسط اصحابهم
رائحة الفم الكريهه
رائحه الفم الكريهه معروفه بخروج رائحه كريهه من الفم اثناء الكلام او التنفس والرائحه دى يا جماعه مش دايما بسبب مشكله فى الفم زى ما ناس كتير معتقده بالعكس دا ليها اسباب كتير جدا منها متعلق بالفم منها ملوش اى علاقه بالفم وهنبدا باللى مش متعلق بالفم ودى اسباب كتير منها:

امراض الانف والبلعوم زى التهاب جيوب الانفيه او التهاب البلعوم

امراض الكلى زى مرض افشل الكلوى بتكون رائحه الفم شبيهه برائحه البول بسبب تراكم اليوريا فى افرازات الجسم لعدم اخراجها عن طريق الكليه بسبب فشلها فى الاخراج

امراض الكبد زى الفشل الكبدى يتكون رائحه الفم شبيهه براحيه الامين بسبب عدم قدره الكبد على التعامل مع الحماض الامينيه

امراض الجهاز الهضمى مثلا زى مرض الارتجاع المعدى بسبب خروج احماض من المعده باستمرار فى الفم

طبعا ادمان الكحوليات او نوع معين من الاطعمه اللى فيها زيوت طياره زى البصل او التوم برده ليه تاثير على رائحه الفم

برده فى مرضى السكر بتكون رائحه الفم شبيهه بالاسيتون

دى من اسباب تغير رائحه الفم بسبب غير متعلق بالفم

هنتكلم دلوقت على الاسباب المتعلقه بالفم واللى احنا كنا مستنينها وهيا كتير

منها بسبب وجود مرض فى الفم زى مثلا

التهابات اللثه والانسجه الضامه

وجود تسويس بالاسنان

زياده غطاء اللسان

وجود تركيبه سيئه الصنع فى الفم وخصوصا التركيبات المتحركه

تسويس العظام او وجود التهابات حول ضرص العقل

وجود دم متحلل فى الفم بعد العمليات الجراحيه زى مثلا ازاله ضرص العقل جراحيا او ازاله اللوزتين



التدخين طبعا من الاسباب القويه فى تغيير رائحه الفم

طبعا منها عدم اهتمام المريض بنظافه الفم

وفيه باه نوعين مختلفين من اسباب تغيير رائحه الفم

اول سبب نفسى ايوا نفسى بيكون فيه وجود تغيير فى رائحه الفم بسبب وجود مشكله نفسيه عند المريض

السبب التانى ودا ناس كتير بتفتكر انه مشكله لكنه بالعكس طبيعى جدا ودا بيكون تغيير فى رائحه الفم عند الاستيقاظ من النوم ودا طبيعى وبيزول تماما اول ما نفطر

العلاج ايه باه

بالنسبه للحالات اللى عندها مشاكل غير متعلقه بالفم دى حلها انها بتروح للدكتور المتخصص فى حالتها وبتاخد العلاج المناسب وبتنتهى المشكله وطبعا اللى بيقدر يحدد اذا كانت المشكله من الفم ولا ليها سبب تانى هو دكتور الاسنان



بالنسبه للمشاكل التانيه المتعلقه بالفم فعلاج كل حاجه منهم محتاج لتشخيص اولا لتحديد السبب وبعدين دكتور الاسنان بيقدر يحدد العلاج على حسب الحاجه وهيبقى صعب اوى انى اعرضها كلها هنا لكن اللى عنده استفسار ممكن بتقضل ويسالنى وانا هاجاوبه ان شاء الله

شكرا ليكم على قراءه الموضوع واتمنى يكون عجبكم



رد مع اقتباس

  #2  
قديم 08-20-2009, 05:37 AM
Pr!nce$s NaDo


Pr!nce$s NaDo غير متواجد حالياً
 




افتراضي

تسلم ايديك يا دوك
بجد توبيك رائع ومميز
ميييييرسى



رد مع اقتباس

  #3  
قديم 08-20-2009, 05:40 AM
..BnoOta..


..BnoOta.. غير متواجد حالياً
 




افتراضي

تسلم يا جمييييييل ع المعلومااات الجامده دى



رد مع اقتباس

  #4  
قديم 08-20-2009, 05:52 AM
dR mOHAMMed


dR mOHAMMed غير متواجد حالياً
 




افتراضي

تسلم اييييييييدك ياحوبى
مع اننا جيران اول مرة اسمع منك الكلام ده ههههههههههه
احب اضيف ان اغلب الروائح الكريهه سواء رائحة الفم او البراز بيكون سببها البكتريا الهوائية
ودى علاجها بسيط اوى اى دوا فيه الماده الفعاله ال metronidazol تحت مسمى amrizol مثلا
وياريت لو فيه تعليق على كلامى تفيدنا بيه يامحمد ,
وتسلم ايدك ياغالى على الموضوع الرائع ده



رد مع اقتباس

  #5  
قديم 08-20-2009, 08:10 AM
life_rounds


life_rounds غير متواجد حالياً
 




افتراضي

ميدو حبيب قلبى الف شكر يا حبيبى على المداخله الجميله والتليق اجميل اوى ده
وحشتنى رغم انك كنت معايا امبارح وهاشوفك بكره
انا هارد على تعليقك الجميل دا هو فعلا اغلب البكتيريا المتسببه بخروج رائحه هيا فعلا لا هوائيه لانها بتخرج hs
وفعلا علاجها بالميترونيدازول ودا كلام صحيح
لكن هل ينفع اعالج العرض واسيب السبب الرئيسى
البكتيريا دى بتطلع الرائحه لان ليها مكان قادره تعيش فيه وبيحميها ن تاثير المضادات الحيويه او الكيماويه زى الميترونيدازول لانها بتعيش فى مستعمرات داخل الجير او طبقات عميقه من التسويس اللى بيتكون فى الاسنان او فى طبقات اللثه الميته بسبب افرازها للاحماض عليها والطبقات دى بتمنع وصول الدم للمكان او حتى غسول الفم مما يمنع وصول العالج او الماده الفاعاله ليها
يبقى الاول هنشوف سبب المشكله ونعالجه وبعدين نعالج الاعراض
لتانى مره باشكر حبيب قلبى وصاحبى واخويا الدكتور ميدو وباشكره على قرايه الموضوع
الف شكر يا حوبى



رد مع اقتباس

  #6  
قديم 08-20-2009, 08:13 AM
life_rounds


life_rounds غير متواجد حالياً
 




افتراضي

اقتباس:
المشاركة الأصلية كتبت بواسطة ..ßňŎłå.. مشاهدة المشاركة
تسلم يا جمييييييل ع المعلومااات الجامده دى
ميرسى اوى يا بنوته على اهتمامك وقرائتك للموضوع واتمنى يا رب اكون دايما عند حسن ظنكم ميرسى لتانى مره



رد مع اقتباس

إضافة رد

مواقع النشر (المفضلة)

أدوات الموضوع
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اسباب التحدث اثناء النـــوم .. prince صحه - الطب العام 21 06-10-2010 08:06 PM
بـقـايا امـل..... Mr LoOoNeLY رومانسيات EgYPaLaCe 4 08-30-2009 12:28 PM
ممارسة الجنس عبر الفم .. تزيد من سرطانات البلعوم والحنجرة CoBrA قسم التحذيرات الطبية 3 08-28-2009 12:27 AM

privacy policy


الساعة الآن 06:38 PM.


Powered by vBulletin® Version 3.8.5
Copyright ©2000 - 2014, Jelsoft Enterprises Ltd diamond