'

  #1  
قديم 01-21-2011, 02:42 PM
دنيا الاحزان


دنيا الاحزان غير متواجد حالياً
 




egy20 عن حال مصر ,قصيدة (جحا) ,قصيدة لهشام الجخ !!



قصيدة ((جحا)) عن حال مصر _ قصيدة لـ هشام الجخ .....

عن حال مصر ,قصيدة (جحا) ,قصيدة لهشام الجخ !!

(جحا)
عن حال مصر

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش


وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه
علا صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعنيكى معصوبة
ياهلترى خاينة
ولا زيى مغصوبة

علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة
الدفة مظبوطة
وأصلا مافيش دفة
والكفة مش مايلة
علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك
احنا رجالتك
أمانك
إحنا وقت الشدة سندك
إحنا زادك
يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين
وابكى على حلمى اللى تاه
بس مش هاشحت رغيف
هاشحت وطن لله





رد مع اقتباس

  #2  
قديم 01-21-2011, 02:46 PM
ORkeDa El7eaH


ORkeDa El7eaH غير متواجد حالياً
 




افتراضي رد: عن حال مصر ,قصيدة (جحا) ,قصيدة لهشام الجخ !!

تسلم ايدك يا دندون




رد مع اقتباس

  #3  
قديم 01-21-2011, 05:51 PM
❶ ElBaNa


❶ ElBaNa متواجد حالياً
 




افتراضي رد: عن حال مصر ,قصيدة (جحا) ,قصيدة لهشام الجخ !!

تسلم ايدك يا دنيا جميلة اوى



رد مع اقتباس

  #4  
قديم 01-21-2011, 07:29 PM
دنيا الاحزان


دنيا الاحزان غير متواجد حالياً
 




افتراضي رد: عن حال مصر ,قصيدة (جحا) ,قصيدة لهشام الجخ !!

تسلمى يا مى

تسلم يا احمد

نورتونى




رد مع اقتباس

  #5  
قديم 01-22-2011, 03:00 AM
ELGOKAR


ELGOKAR غير متواجد حالياً
 




افتراضي رد: عن حال مصر ,قصيدة (جحا) ,قصيدة لهشام الجخ !!

تسلم ايدك يا دنيا



رد مع اقتباس

  #6  
قديم 01-22-2011, 10:16 AM
دنيا الاحزان


دنيا الاحزان غير متواجد حالياً
 




افتراضي رد: عن حال مصر ,قصيدة (جحا) ,قصيدة لهشام الجخ !!

اقتباس:
المشاركة الأصلية كتبت بواسطة ELGOKAR مشاهدة المشاركة
تسلم ايدك يا دنيا

تسلم وشكرا لمرورك




رد مع اقتباس

إضافة رد

مواقع النشر (المفضلة)

الكلمات الدليلية (Tags)
مصر, مظبوطة, الاحترام, الحب, الدى, النظام, اهلك, حلاوته, داء, جدا, يعود, ربطونى, رجالتك, زارعك, سخيف, شروطى, علمونا, هاشحت, هشام, وطنعن حال مصر, وطنط, قصيدة, قصيدة (جحا), قصيدة لهشام الجخ !!, قصيده, كرامتنا

أدوات الموضوع
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة التاشيره لهشام الجخ , قصيدة التأشيرة لهشام الجخ من مسابقة امير الشعراء 2011 شنكل ابن شناكل اليوتيوب youtube 1 01-13-2011 05:06 PM
فيديو هشام الجخ من برنامج العاشرة مساءآ , قصيدة هشام الجخ عن مصر تيتو قسم يوتيوب البرامج والاخبار والاحداث اليومية 4 10-03-2010 03:35 AM
قصيدة : مات حبيبى ĶiŢŢэЙ ĜiЯĻ خــواطر EgYPaLaCe 8 07-16-2010 01:28 AM
قصيدة الامل عبدالشافي قسم الشعراء 3 07-08-2010 11:31 PM
قصيدة حزينة جدا محمد زيزو قسم الشعراء 3 06-03-2010 02:14 AM

privacy policy


الساعة الآن 04:06 AM.


Powered by vBulletin® Version 3.8.5
Copyright ©2000 - 2014, Jelsoft Enterprises Ltd diamond